|
Balada Bierštaŭskaj kapeły
|
Śpiavała kapeła.
Krynična,
kryštalna
i jasna.
I roŭnych nia mieła
U poŭdzień – na połi,
u poŭnač – la praśnic.
Dy hetaha mała:
La zorak kapeła śpiavała!
Hučała kapeła...
Dy niečamu ścichła zaŭčasna,
Ci pomač tady nie paśpieła,
Ci los u žančyn pakručasty?
I raptam kapeły nia stała,
I čutka pra śpieŭ nie śpiavała.
A piesień viaskovaja viełič
I ziołki, i vočy rasiła...
Aźvisia, Tamara Ilkievič,
I dzie Vy, stareńki Rusiłka?
Sumujem my vielmi,
My vas paprasiłi b...
Kab raptam rukoju suchieńkaj,
Jak kołiś, vysoka ŭzmachnułi!
Śpiavački ŭ žałobnych sukienkach...
I vy nie ŭzmachnułi – zasnułi...
I šlach toj, što Vami abrany:
Takija šlachi abarvany...
Dyk dzie ž ty, kapeła?
Chaj radaściu sum tvoj zaśviecić,
Dzie bezam prastora kipieła.
Dy padajuć słovy na viecier...
Maŭčańnie staić akapelna.
Śmiartelna.
|
|
